Áıelderge qatysty kemsitýshiliktiń barlyq nysandaryn joıý týraly konvensıanyń erejelerine sáıkes, Áıelderge qatysty zorlyq-zombylyqty joıýdyń halyqaralyq kúni jyl saıyn 25 qarashada atap ótiledi.
Osyǵan baılanysty, 2022 jylǵy 25 qarasha men 10 jeltoqsan aralyǵynda Almaty qalasynyń aýmaǵynda «Áıelderge qatysty zorlyq-zombylyqsyz 16 kún» respýblıkalyq aksıasy ótýde, dep habarlaıdy Almaty-akshamy.kz.
Shara turmystyq zorlyq-zombylyqtyń aldyn alý jáne oǵan qarsy turý, polısıaǵa degen senim deńgeıin arttyrý, otbasynyń qoǵamdaǵy rólin nyǵaıtý maqsatynda ótkizilýde.
İs-sharanyń negizgi maqsaty – áıelderge qatysty zorlyq-zombylyqtyń aldyn alý jáne eskertý, ana men balany qorǵaý, otbasynyń qoǵamdaǵy rólin nyǵaıtý baǵytynda atqarylyp jatqan sharalarmen jalpy halyqty tanystyrý.
Shara aıasynda turǵyndar arasynda túsindirý jumystaryn júrgizý, ishki ister departamentinde esepte turǵan tulǵalardy turǵylyqty jeri boıynsha tekserý, otbasy-turmystyq qatynastar salasynda quqyqbuzýshylyq jasaǵan tulǵalardy anyqtaý jáne esepke alý josparlanýda, alkogóldik ishimdikterdi teris paıdalaný, sondaı-aq olardyń kúndelikti ómir salasyndaǵy qylmystar tarapynan aldyn alý.
Bul aksıa osy is-sharaǵa múddeli memlekettik organdardyń, úkimettik emes uıymdardyń, jurtshylyqtyń jáne buqaralyq aqparat quraldarynyń ókilderin tartý arqyly júzege asyrylady.
Sondaı-aq is-sharaǵa quqyqtyq keńes jáne psıhologıalyq kómek kórsetetin senim telefondary jumys isteıtin Almaty qalasynyń daǵdarys ortalyqtary qatysýda.
Eger siz turmystyq zorlyq-zombylyq faktileri týraly habardar bolsańyz nemese siz osyndaı zorlyq-zombylyqtyń qurbany bolsańyz, bul týraly únsiz qalmaǵanyńyz jón! Polısıaǵa «102» nemese myna telefondar boıynsha habarlasý qajet:
PD Almaty - 254-45-99
Almaly aýdanynyń PB 254-46-09,
Alataý aýdanynyń PB 227-55-54,
Áýezov aýdanynyń PB 298-53-33,
Bostandyq aýdanynyń PB 254-47-26,
Jetisý aýdanynyń PB 254-49-43,
Medeý aýdanynyń PB 254-48-66,
Túrksib aýdanynyń PB 298-54-25,
Naýryzbaı aýdanynyń PB 254-49-48
Daǵdarys ortalyqtarynyń telefondary:
QQ «Rodnık» – 396-19-38;
KMM «Jan-Saıa» – «150» (anonımdi, táýlik boıy) nemese 87714503450;8-727-243-22-21
QQ «Analar úıi» -87473114109;87473114051;87473114067