Óńirlik komýnıkasıalar qyzmeti alańynda Almaty qalasy JITS-tyń aldyn alý jáne oǵan qarsy kúres ortalyǵy dárigerleriniń qatysýymen brıfıń ótti.
Arnaıy is-shara Dúnıejúzilik JITS-ke qarsy kúres kúnine oraılastyrylǵan, dep habarlaıdy Almaty-akshamy.kz.
Almaty qalasy JITS-tyń aldyn alý jáne oǵan qarsy kúres ortalyǵynyń profılaktıkalyq jumys bóliminiń meńgerýshisi Almıra Zaýrbekova megapolıste 21 qarasha – 1 jeltoqsan aralyǵynda «Teńdik ýaqyty!» uranymen onkúndik ótýde. Bul is-shara IýNEIDS uıymynyń bastamasymen ótýde. Jalpy, halyqtyń, ásirese, jastardyń AITV juqpasynyń aldyn alý, ony juqtyryp almaý máseleleri boıynsha aqparattyq deńgeıin kóterý úshin bári jasalyp jatyr.
«Alǵashqy jaǵdaıdyń tirkelgenine qyryq jyldan astam ýaqyt ótse de, AITV juqpasy áli kúnge aýqymdy qaterlerdiń biri bolyp otyr. «Teńdik ýaqyty!» urany — bul is-áreketke shaqyrý. Ol barlyǵymyzdy JITS-ti joıýǵa qajetti tekseristen ótken tájirıbelik sharalardy iske asyrýǵa jeteleıdi. Olardyń ishinde: kómekke muqtaj árbir jannyń qajettiliginiń qamtamasyz etilýi, ıaǵnı AITV-juqpasyn emdeý, tekserilý jáne aldyn alý úshin qoljetimdilik pen sapanyń jáne artýy», - dedi A.Zaýrbekova.
Naýqan kúnderi Almaty qalalyq JITS ortalyǵynyń medısına qyzmetkereleri qaýymdastyqtar men qoǵamdyq úkimettik emes uıymdarmen birlese otyryp, halyqtyń AITV juqpasy týraly aqparattyq deńgeıin arttyrýǵa baǵyttalǵan ártúrli sharalardy uıymdastyryp, ótkizedi.
AITV juqpasyna tekserilýden ótýdiń jáne berilý joldary týraly aqparattylyqty joǵarylatý maqsatynda JITS ortalyǵynyń mamandary medısına qyzmetkerleri men zań qyzmetkerlerine, pedagogtar men áskerı jáne qylmystyq-atqarý júıesiniń qyzmetkerlerine, aýtrı-qyzmetkerlerge arnap semınarlar men trenıńtar ótkizedi. S.J. Asfendıarov atyndaǵy Qazaq ulttyq medısına ýnıversıtetiniń stýdentteri arasynda «AITV jáne stıgma/dıskrımınasıa» taqyrybyna pikirtalas josparlandy. Bıznes-qurylym ókilderi arasynda aqparattyq materıaldardy tarata otyryp, AITV-ǵa testten ótkizý aksıasy uıymdastyrylady.
Bilimdi arttyrý, sondaı aq AITV-men ómir súretin adamdarǵa degen stıgma jáne dıskrımınasıa jaǵdaılaryn boldyrmaý maqsatynda arnaı orta bilim oryndarynyń stýdentteri arasynda «Qaýipsizdik marafony» atty QUIZ oıyny, sonymen qatar senim pýnktteriniń medbıkeleri arasynda «Dıskrımınasıaǵa jol joq!» taqyrybynda kreatıvti sharlar chellendjin uıymdastyrý josparlanyp otyr.
Elimizdegi sıaqty, Almaty qalasynda da AITV juqpasy aýrý taralýynyń shoǵyrlanǵan satysynda. Qalada 15-49 jas aralyǵynda AITV ınfeksıasynyń taralý deńgeıi 0,44 paıyzdy quraıdy, boljam boıynsha - 0,57.
Qalada jyl saıyn halyqtyń 16-17 paıyzy AITV-ǵa testileýden ótedi (shamamen 350 myń zertteý). Normatıvtik-quqyqtyq qujattar negizinde Qazaqstan Respýblıkasynda qupıa medısınalyq tekserilýdiń sapaly ári qoljetimdiligi kepildendiriledi. AITV statýsyn arnaıy test tapsyrý arqyly ǵana bilýge bolady. Árbir adam turǵylyqty jeri boıynsha emhanada nemese JITS ortalyǵynda AITV-ǵa testten tegin óte alady.