Olarǵa aıyna orta eseppen 525 myń teńge tólendi.
Eńbek salasyndaǵy mamandar Qazaqstanda eń joǵary jalaqyny aqpan aıynda qandaı maman ıeleri alǵanyn aıtty, dep habarlaıdy Almaty-akshamy.kz.
Eńbekmıniniń málimeti boıynsha, aqpan aıynda jumys berýshiler basshylyq laýazymdar úshin eń joǵary jalaqy usyndy, osy kásibı top boıynsha aıyna 540 myń teńgeden bastalatyn usynyspen jumys tabýǵa bolady.
Sondaı-aq, aqpan aıynda joǵary aqy tólenetin mamandyqtarǵa suranys boıynsha jattyqtyrýshylardy (trenıńtermen, qaıta daıarlaýmen jáne biliktiligin arttyrýmen aınalysatyn) jatqyzýǵa bolady, olarǵa aıyna orta eseppen 525 myń teńge, marksheıderlerge 513 myń teńge, korporatıvtik mamandarǵa 474 myń teńge, óndiristi daıyndaý ınjenerlerine 419 myń teńge usynyldy.
Burynǵysha eń úlken suranysqa shaǵyn, orta jáne iri kásiporyndar ıe, olar barlyq suranystyń 85%-yn qurady. Al genderlik bólinistegi eńbek usynysy is júzinde teń boldy: áıelder túıindemesiniń úlesi EEB jalpy usynysynyń 51% - yn qurady.
«Osylaısha, bir aıdan keıin jumys berýshiler arasynda ekonomıkalyq belsendiliktiń jandanýy baıqalady. Bul rette naryqta kásipter bólinisinde bos oryndar men túıindemeler boıynsha suranys pen usynys aıtarlyqtaı ózgermeıdi. Suranysqa ıe mamandar – burynǵysha orta medısınalyq personal men mektepke deıingi mekemelerdiń qyzmetkerleri», - delingen Eńbekmıni baspasóz qyzmetiniń habarlamasynda.