Qalamyzda búginge deıin ekpe saldyrǵandardyń sany 628 132 adamǵa jetti.
Almaty qalasynda bir táýlikte 12 471 adam koronavırýsqa qarsy vaksına saldyrdy, dep habarlaıdy Almaty-akshamy.kz qalalyq qoǵamdyq densaýlyq saqtaý basqarmasyna silteme jasap.
«14 shilde kúni 12 471 almatylyq vaksına saldyrdy. Bıylǵy jyldyń 1 aqpany men 14 shildesi aralyǵynda qalada barlyǵy 628 132 adam vaksına saldyrdy. Vaksına alǵandardyń jalpy sanynan 60 jastan asqan qart kisilerdiń úlesi - 92 352», - dep habarlady basqarmada.
Qalalyq qoǵamdyq densaýlyq saqtaý basqarmasynyń málimetinshe, qalada 212 vaksınalaý pýnkti jumys istep tur. 1 260 adamnan turatyn 308 egý brıgadasy bar. Sonymen qatar, 40 kóshpeli mobıldi brıgada uıymdastyrylǵan. Qazir medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaksınalaý pýnktteri jumys isteıdi.