Almaty qalasynyń tártip saqshylary ýákiletti organdarǵa kómek kórsete otyryp, “múldem tózbeýshilik” qaǵıdaty boıynsha aldyn alý sharalaryn júrgizip, qoǵamdyq oryndardy lastap, qalany abattandyrý erejelerin buzǵan azamattarǵa shara qoldanyp jatyr.
Bul kúnderi qalada “Almaty – bizdiń ortaq úıimiz” naýqany ótip jatyr. Bastama Almaty qalasynyń estetıkalyq jaǵdaıyn jaqsartýǵa baǵyttalǵan. Ár adamnyń óz úıi bar, ol onyń tazalyǵyn qadaǵalaıdy, dep habarlaıdy Almaty-akshamy.kz Polisia.kz-ke silteme jasap.
«Almaty – bizdiń ortaq úıimiz, biz óz úıimizdiń turǵyndary retinde ony taza ustaýymyz kerek. Azamattardy tabıǵatty lastamaýǵa jáne ony aıalaýǵa shaqyramyn. Birlesken kúsh-jiger arqyly ǵana biz ony saqtap, keleshek urpaqqa mol mura retinde jetkize alamyz», – dedi Almaty qalalyq PD jergilikti polısıa qyzmeti basqarmasy bastyǵynyń orynbasary Tımýr Noǵaıbaev.
Jyl basynan beri qoǵamdyq oryndardy lastap, Almatyny abattandyrý erejelerin buzǵan 7 myńnan astam quqyq buzýshy ákimshilik jaýapkershilikke tartyldy.