24-28 sáýir aralyǵynda Almaty qalasynda tolassyz jańbyr jaýady dep kútilýde.
Jaýyn-shashyn kezinde motopompa, shans quraldarymen jabdyqtalǵan 52 jedel mobıldi brıgadanyń kezekshilikke shyǵady, 2,5 myń qap qum daıyndalady.
Kúndiz jaýyn-shashyn kezinde barlyǵy 465 birlik arnaıy tehnıka, 28 motopompa jáne 810 jumysshy, al túngi ýaqytta 236 birlik arnaıy tehnıka jáne 215 jumysshy jumyldyrylady.
Sýdyń kedergisiz aǵyp ketýin qamtamasyz etip, sý basýdyń aldyn alý úshin 320 jumysshy men 92 birlik arnaıy tehnıka aryq jelilerin, aryq ótkelderin tazalaý boıynsha josparly jumys júrgizedi. Kún saıyn aryqtan 250 m3 laı jáne kezdeısoq qoqys shyǵarylady.
Aýa-raıynyń buzylýyna baılanysty júrgizýshilerge aǵashtardyń qulaý qaýpi men elektr jelileriniń úzilýine baılanysty avtomobılderdi jol jıekterine qoıýǵa keńes berilmeıdi. Qala turǵyndary men qonaqtaryna taýǵa barmaýyn suraımyz. Sý tasqynynyń aldyn alý úshin turǵyndardan aryq pen kanaldy qoqysqa toltyryp, bitep tastamaýǵa shaqyramyz.
«Qazgıdromet» RMK boljaýynsha:
_24 sáýir: kóshpeli bult shyǵady, 3 mm-ge deıin ótkinshi jaýyn, ońtústik-batystan 3-8 m/s jel soǵady, kúndiz aýa temperatýrasy +23...+25°C._
_25 sáýir: kún ala bultty, tańerteń jáne tústen keıin 15 mm-ge deıin jańbyr jaýyp, naızaǵaı oınaıdy. Ońtústik-batys, batys 3-8 m/s jel, naızaǵaı kezinde ekpini 15-20 m/s. Aýa temperatýrasy túnde + 10...+12°, kúndiz + 18...+20°C._
_26 sáýir: kóshpeli bult, túnde jáne tańerteń 8 mm-ge deıin jańbyr jaýady. Batys, soltústik-batys 3-8 m/s jel soǵady, naızaǵaı kezinde ekpini 15 m/s. Aýa temperatýrasy túnde + 10...+12°, kúndiz + 16...+18°C._
_27 sáýir: kún ala bultty, kúndizgi saǵat 15-ten 23-ke deıin 3 mm-ge deıin jańbyr jaýady. Batys, soltústik-batystan 3-8 m/s jel soǵady. Termometr baǵanasy túnde +8...+10°, kúndiz +13...+15°C kórsetedi._
_28 sáýir: kóshpeli bult shyǵady. Batys, soltústik-batystan 3-8 m/s jel soǵady. Aýa temperatýrasy túnde +7...+ 9°, kúndiz + 13...+15°C bolady.