Almatyda Abaı dańǵylyn qala shekarasyna deıin uzartý jumystaryna baılanysty qozǵalysqa ýaqytsha shekteýler engizilýde.
Máselen, 19 qyrkúıekte 23.00-den 29 qyrkúıekte 23.00-ge deıin Alataý dańǵylynan Stroıtelnaıa kóshesine deıingi ýchaskede qozǵalys jabylady.
Aınalma jol ońtústik baǵytta Stroıtelnaıa, Qundyzdy, Sabdenov kóshelerimen, soltústikte-Stroıtelnaıa, Q. Medeýbekov, Bekeshev kóshelerimen qamtamasyz etiledi. Ýchaskede eskertý belgileri qoıylady.
Esterińizge sala keteıik, Abaı dańǵylyn qala shekarasyna deıin uzartý boıynsha qozǵalysty aǵymdaǵy jyldyń sońyna deıin ashý josparlanýda. Búgingi tańda qalǵan 600 metr ýchaskede jumys júrgizilýde, uzartýdyń jalpy uzyndyǵy 5,3 km quraıdy.
Aıta ketý kerek, qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS jáne «Iandeks kartalar» servısterinde ornalastyrylǵan.
