Ekologıa jáne tabıǵı resýrstar mınıstri Erlan Nysanbaev Qazaqstandaǵy jolbarystardy reıntrodýksıalaý josparymen bólisti.
Mınıstrdiń aıtýynsha, elimizge jaqynda Nıderlandy elinen eki amýr jolbarysy jetkiziledi, dep habarlaıdy aqshamnews.kz
Mınıstr elimizdiń 2015 jyly Dúnıejúzilik jabaıy tabıǵat qorymen tıisti reıntrodýksıa qujatyna qol qoıylǵanyn eske saldy.
"Qarjylandyrý tolyǵymen olardan bolady. Biz bıyl jolbarystardyń alǵashqy sanyn qabyldaýǵa daıynbyz. Tarıhqa súıensek bizde árqashan jolbarystar bolǵan. Sońǵy jolbarys 1948 jyly óltirilgen. Olar İle ózeniniń saǵasynda (Syrdarıada) ómir súrgen. Bul olardyń qonystanyýy men taralýy úshin óte jaqsy oryn boldy. Búgin osy jolbarystardy qabyldaýǵa jaǵdaı jasadyq. Amýr tuqymdas turan jolbarysy óte tómen temperatýraǵa tózimdi. Sondyqtan Nıderlandydan eki amýr jolbarysyn ákelýdi josparlap otyrmyz", – dedi Nysanbaev májilis aıasynda.