Almatyda Uly Otan soǵysy jáne eńbek ardageri Darbala Jabataeva 80 jyldyq Jeńis merekesin qarsy alyp otyr. Bul týraly Aqshamnews.kz saıty habarlaıdy.
Darbala Ámirjanqyzy Jabataeva 1926 jyly Qostanaı oblysynda dúnıege kelgen. Soǵys bastalǵanda jasóspirim qyz tylda eńbek etip, 1943 jyly óz erkimen maıdanǵa attanǵan. Ol 161-atqyshtar polkiniń quramynda radıs bolyp qyzmet atqaryp, Polshanyń portty qalalaryn azat etýge qatysqan. Jaýyngerlik jolynda kontýzıa alǵanyna qaramastan, qaıtadan maıdanǵa oralǵan. Jeńisti Baltyq teńiziniń ońtústigindegi Pomeranıada qarsy alyp, 1946 jyly beıbit ómirge oraldy.
Soǵystan keıin týǵan jeri Qostanaıǵa qaıtyp, túrli jaýapty qyzmetter atqardy. 1951 jyly Almatyǵa kelip, Joǵarǵy partıa mektebinde bilim aldy. Keıin Almaty qalalyq keńesiniń bes shaqyrylymynyń depýtaty boldy.
Búginde ǵasyr jasaǵan keıýana qyzymen birge turyp, balalarynyń, nemere-shóbereleriniń qyzyǵyna bólenýde. 80 jyldyq Jeńis qarsańynda Almalın aýdany ákimdigi men Amanat partıasynyń ókilderi ardagerdi arnaıy quttyqtap, qurmet kórsetip, densaýlyq pen uzaq ǵumyr tiledi.
"Bizdiń ardagerler – naǵyz batyrlar. Olar óz ómirlerin qaýipke tigip, bolashaq urpaq úshin kúresti. Olardy qurmetteý – bizdiń paryzymyz", – dedi depýtat Baqytbek Jumabaev.