Býrabaıda ótip jatqan Ulttyq quryltaıda Memleket basshysy Qasym-Jomart Toqaev salyq reformasyna qatysty óz pikirin bildirdi, dep habarlaıdy aqshamnews.kz
«Endi birqatar máselege arnaıy toqtalyp ótkim keledi. Eń aldymen qoǵamda qyzý talqylanyp jatqan salyq reformasyna qatysty pikirimdi aıtaıyn. Salyq júıesi — bul búkil memlekettik júıeniń tiregi. Búdjette qarjy bolmasa, memleket óz mindetin tolyq atqara almaıdy, áleýmettik mindettemeler de oryndalmaıdy», – dedi Prezıdent.
Qasym-Jomart Toqaev salyq júıesi máselesin talqylaǵan kezde, belgili ekonomıs Jaqsybek Qulekeevtiń aıtqan pikirin mysalǵa keltirdi. Sonymen qatar, Quryltaı músheleri Qaıyrbek Arystanbekov, Marat Bashımov, Erlan Saırov, Rasýl Rysmambetov jáne Murat Ábenov salyq-búdjet máselesine qatysty oryndy pikir bildirgenin atap ótti.
«Elimiz úshin asa qajet sharalardyń mán-mańyzyn halyqqa egjeı-tegjeıli túsindirý kerek. Jurttyń bári ekonomıs nemese qarjyger emes. Memlekettiń qandaı sharany ne úshin qolǵa alyp jatqanyn bári birdeı túsine bermeýi múmkin. Sondyqtan reformanyń mánin adamǵa túsinikti tilmen jetkizý kerek», – dep qorytyndylady Memleket basshysy.
Prezıdenttiń aıtýynsha, salyq reformasynyń máni men maqsatyn halyqqa durys túsindirý, túsinispeýshilikterdiń aldyn alý úshin mańyzdy.