Almatyda 10 sáýirden bastap 6 mamyrǵa deıin jalǵasatyn “Jasóspirim” respýblıkalyq jedel-profılaktıkalyq is-sharasy ótýde.
Onyń negizgi maqsaty – kámeletke tolmaǵandar arasyndaǵy quqyq buzýshylyqtyń aldyn alý, panasyz jáne qaraýsyz qalǵan jasóspirimderdi anyqtaý, otbasylar men jastarmen profılaktıkalyq jáne tárbıelik jumystardy júrgizý. İs-sharanyń alǵashqy bes kúninde qalalyq polıseıler naqty nátıjelerge qol jetkizdi, dep habarlaıdy aqshamnews.kz.
— Osy kezeńde ıývenaldy polısıa bólimsheleri 814 ákimshilik quqyq buzýshylyqty anyqtady. Túngi ýaqytta eresekterdiń qaraýynsyz júrgen 731 jasóspirim ustaldy. Osy úshin QR ÁQBtK-niń 442-baby boıynsha 642 zańdy ókil jaýapqa tartyldy. Ómirlik qıyn jaǵdaıǵa tap bolǵan 19 kámeletke tolmaǵan jasóspirim balalardy qoldaý ortalyǵyna ornalastyryldy. Sondaı-aq qosymsha baqylaýdy qajet etetin 22 ata-ana men 14 jasóspirim esepke alyndy. Ata-analyq mindetterin tıisinshe oryndamaǵany úshin barlyǵy 67 adam jaýapqa tartyldy, - dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Kóńil kóterý oryndaryna, ınternet klýbtarǵa jáne jasóspirimder kóp jınalatyn oryndarǵa erekshe nazar aýdarylady. Bes kún ishinde 121 mekeme tekserilip, 15 jaǵdaıda kámeletke tolmaǵandardy túngi ýaqytta kirgizgen ǵımarattyń ákimshiligi jaýapkershilikke tartyldy.
— Jumys qalanyń ár aýdanynda júıeli túrde júrgizilýde. Biz bilim jáne basqa da qurylymdardyń ókilderimen tyǵyz baılanysta jumys isteımiz. Eń bastysy jazalaý emes, der kezinde aralasyp, keleńsizdikterdiń aldyn alý. Aldyn alý jyly aıasynda bul jumys odan ári jandana túsedi, - dedi Serik Shýmaev.
Polısıa qyzmetkerleri, ata-analar men zańdy ókilderin balalarynyń bos ýaqytyn tıimdi ótkizýge jáne olardyń aralasatyn ortasyna kóbirek kóńil bólýge shaqyrady.