Almatynyń Alataý aýdanynda múlik urlyǵy bolǵany anyqtaldy, dep habarlaıdy Almaty-akshamy.kz.
Polisia.kz-tiń habarlaýynsha, kásiporyndardyń biriniń qyzmetkerleri jaryqtandyrý baǵandarynyń kem ekenin baıqap, polısıaǵa habar bergen.
«Urlyq jasaý derekteri jazylǵan beınebaqylaý júıeleri qylmysty ashýǵa jaqsy kómek boldy. Bizdiń aýdanymyzda 20-dan astam osyndaı epızod jasalǵany belgili boldy. Qaskóıler túnde urlyq jasap júrgen. Olar GAZel júk kóligimen kelip, jalǵa alynǵan manıpýlátordy aıdap ákelip, týra irgedegi sham baǵandaryn kesip, urlap ketken. Biz 50-den astam urlanǵan baǵandardy tárkiledik. Aıtpaqshy, 32 jastaǵy jáne 24 jastaǵy eki er adam ustaldy. Olar ÝUI-ǵa ornalastyryldy. Zattaı aıǵaq tárkilendi», – dedi Alataý aýdandyq polısıa basqarmasynyń bastyǵy Esen Ysqaqov.
QR QK-niń 201-babyna sáıkes, ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.