№8 olımpıadalyq rezervtegi mamandandyrylǵan balalar men jasóspirimder sport mektebiniń tárbıelenýshileri gólf boıynsha İİİ jasóspirimder sporttyq razrádyn aldy.
Jas gólfshylar Qazaqstan gólf federasıasynyń qoldaýymen oqýyn bastady.
Gólf bólimshesi 2023 jyldyń qazan aıyndap Almaty qalasyndaǵy №8 sport mektebiniń bazasynda 53 balaǵa esigin aıqara ashty. Salystyrmaly túrde oqýdyń bastalǵanyna kóp ýaqyt bolmasa da, balalar keremet nátıje kórsetti. Balalar 4 oqý tobynda, onyń ishinde 7-12 jas aralyǵyndaǵy bastapqy daıarlyqta oqıdy.
Baǵdarlamanyń basty ereksheliginiń biri jattyǵýlar tegin ótkiziledi. Barlyq qajetti sporttyq jabdyq (dop taıaqtar, doptar) da tegin beriledi. Trenıńti tájirıbesi mol bilikti jattyqtyrýshylar júrgizedi.
Balalardy gólf bólimine qabyldaý 2024 jyldyń 18 naýryzynda jarıalanady.
Anyqtama úshin: Olımpıada oıyndarynyń baǵdarlamasyna engizilgen gólftiń Qazaqstanda áleýeti zor jáne balalar gólf mektebi otandyq daryndy sportshylardyń damýy men tárbıesine yqpal etedi.
