8 naýryz - Halyqaralyq áıelder kúni qarsańynda Respýblıka Saraıynda «Álemniń jaryǵy...» atty merekelik konsert ótti.
İs-sharaǵa Almaty qalasynyń ákimi Erbolat Dosaev qatysty, dep habarlaıdy Almaty-akshamy.kz.
Názik jandylar úshin Almaty ákimdigi múzıkl elementteri bar merekelik konserttik baǵdarlama daıyndady, onda akterlerdiń mýzykasy, ánderi, horeografıasy men dıalogtary biriktirilgen. Konsertti medısına jáne áleýmettik qyzmetkerler, pedagogtar, eńbek ardagerleri, qoǵam qaıratkerleri, erekshe qajettiligi bar balalardyń analary, oqýda, sportta jáne t.b. salada jetistikterge jetken balalardyń analary tamashalady.
Merekelik konsertte Roza Rymbaeva, Nurlan Ónerbaev, «Dos-Muqasan» vokaldyq-aspaptyq ansambli, Ǵazızhan Shekerbekov, Aıbek Serikhanov, Farhat Kýbıev, Anna Sádýaqasova, Baqtıar Adamjan, Shuǵyla Ádephan, «Astana-Opera» baletiniń jetekshi solıseri, Ernazar Juban, «Djýlıa» múzıkl artıseri, Aıqyn Tólepbergen, Ǵ.Músirepov atyndaǵy balalar men jasóspirimder teatrynyń akterleri, Dıana Makına, Andreı Tregýbenko, Dinaya, «Senim» balalar hory jáne t.b. óner kórsetti.
Tanymal artıserdiń oryndaýynda áıelderge, kóktem men mahabbatqa arnalǵan qazaqstandyq jáne sheteldik hıtter shyrqaldy.
