Arab elinde adamdar bir-biri ańdı almaıtyn boldy.
Birikken Arab Ámirlikteriniń bıligi erli-zaıyptylardyń bir-biriniń jáne otbasy músheleriniń qaıda júrgenin zańsyz ańdý júrgizgen tulǵalar budan bylaı qylmystyq jaýapkershilikke tartylatynyn eskertti. Bul jaıynda islam.kz portaly The National aqparat kózine silteme jasaı otyryp málim etedi, dep habarlaıdy Almaty-akshamy.kz.
Ábý-Dabıdiń sot departamenti adamdardy qadaǵalaý nemese tyńshylyq úshin GPS trekerlerin paıdalanýdyń zańǵa qaıshy kelitinin eskertti, ıaǵnı, ańdýdy da adamdardyń jeke ómirine qol suǵýmen birdeı áreket. Zańgerler sońǵy ýaqytta qalta telefondaryna adamdardy ańdýǵa arnalǵan qosymshalar ornatqandar qarasynyń kóbeıgenin atap ótti. Mundaı áreketke barǵan adam kıberqylmys zańynda qarastyrylǵan talaptardy buzǵandyqtan, kem degende alty aı abaqtyǵa jabylady nemese 500 000 dırhamǵa deıin aıyppul salynady. Jergilikti zań talaptary boıynsha GPS baqylaý qurylǵylaryn tek tirkelgen komersıalyq kólikterde paıdalanýǵa bolady, al jeke tulǵalarǵa óz kólikterine GPS trekerlerin satyp alýǵa nemese ornatýǵa tyıym salynady.