8 naýryz – Halyqaralyq áıelder kúni Qazaqstanda kóptegen sábılerdiń ómirge kelýimen este qaldy. 2025 jyly bul kúni el boıynsha 769 bala dúnıege kelgen. Bul týraly Aqshamnews.kz saıty habarlaıdy.
Densaýlyq saqtaý mınıstrliginiń málimetinshe, jańa týǵan nárestelerdiń 366-sy – qyz, al 403-i – ul. Sonymen qatar, 5 egiz ómirge kelgen.
Eń kóp náreste Túrkistan oblysynda tirkeldi – 126 bala. Almatyda 76, Shymkentte 71, al Astanada 65 sábı dúnıe esigin ashty. Dárigerlerdiń aıtýynsha, barlyq bosaný jaǵdaılary sátti ótken, analar men sábılerdiń jaǵdaıy jaqsy.
8 naýryzda dúnıege kelgen qyzdarǵa kóbinese Aısha, Alına, Aıarý, Sánıa, Janel sıaqty esimder qoıylady. Kóktemniń shýaqty merekesinde ómirge kelgen sábıler ata-analaryna erekshe syılyq boldy.