Almatynyń Medeý aýdanynda 69 jyl boıy jóndeýdi kórmegen №10 jedel járdem qosalqy stansıasyna arnalǵan jańa ǵımarat boı kóteredi. Bul týraly Almaty qalasynyń ákimi Erbolat Dosaev aýdan turǵyndarymen kezdesýde málimdedi, dep habarlaıdy aqshamnews.kz
Onyń aıtýynsha, eski ǵımarat 1955 jyly salynǵan jáne jańa ǵımarat salý úshin úsh jer ýchaskesin satyp alý josparlanǵan.
Qala basshysy bıylǵy jyldyń maýsym aıynda №4 jedel járdem stansıasyn jańǵyrtý bastalǵanyn, jumystar 2025 jyldyń sáýir aıynda aıaqtalatynyn aıtty.
Sondaı-aq, onyń aıtýynsha, bıyl №2 qalalyq mamandandyrylǵan balalar úıin kúrdeli jóndeý bastaldy. Jumysty 2024 jyldyń sońyna deıin aıaqtaý josparda bar.
Halyqpen eseptik kezdesý barysynda Erbolat Dosaev bıyl Medeý aýdanynda medısınalyq qyzmet kórsetý sapasyn jaqsartý úshin birden úsh aýqymdy Densaýlyq saqtaý nysany boıynsha jobalyq-smetalyq qujattama ázirlenip jatqanyn atap ótti. Bul "Dýman" shaǵynaýdanynda aýysymda 500 adam qabyldaıtyn jańa emhana salý, "Alataý" qalalyq aýrýhanasy men №2 emhananyń ǵımarattaryn qaıta jańartý josparda bar.
Medeý aýdanynda barlyǵy 5 emhana ambýlatorıalyq kómek kórsetedi, olarǵa jospar boıynsha 2 470 pasıent kelýi tıis, alaıda naqty sany 3 myńnan astam adamdy quraıdy. Densaýlyq saqtaý obektilerin salý jáne rekonstrýksıalaý boıynsha qabyldanyp jatqan sharalar júktemeni aıtarlyqtaı tómendetýge jáne medısınalyq qyzmet kórsetý sapasyn jaqsartýǵa múmkindik beredi.