Bishkekte «Beıbitshilik úshin orman» bastamasy aıasynda transformasıalyq jobany ázirleý úshin Ortalyq Azıadaǵy transshekaralyq yntymaqtastyq boıynsha Ekinshi óńirlik semınar ótýde.
Atalǵan is-shara shóleıttený jónindegi konvensıanyń, BUU Damý baǵdarlamasynyń jáne Ortalyq Azıanyń Óńirlik ekologıalyq ortalyǵynyń qoldaýymen ótýde, dep habarlaıdy aqshamnews.kz.
Ortalyq Azıadaǵy jerlerdiń tozýy eleýli ekologıalyq áser etedi. Qazaqstan Ortalyq Azıada negizgi oryn alyp, bul rette jerler men ekojúıelerdi ornyqty paıdalanýǵa baǵyttalǵan birqatar jasyl is-sharalar men jobalardy belsendi iske asyrýda jáne josparlaýda.
Qazaqstan transshekaralyq qorǵalatyn taýly aýmaqtar qurý jáne halyqaralyq jobalar sheńberinde klımattyq beıimdelý jónindegi óńirlik sharalardy damytý bastamasyn kóterdi.
Semınar jumysy sheńberinde keıinnen halyqaralyq donorlar esebinen qarjylandyrý úshin klımattyń ózgerýine beıimdelý jáne bıologıalyq ártúrlilikti joǵaltý jónindegi transshekaralyq jobanyń tujyrymdamasyn ázirleý josparlanýda.