Keshe Almatyda "River Park" turǵyn úı kesheniniń turǵyndary jylýdy qosý talaptarymen Maqataev kóshesin jaýyp tastaǵan edi.
Almatyda polıseıler joldy japqan River Park turǵyn úı kesheniniń turǵyndaryn jazaǵa tartty, dep habarlaıdy Almaty-akshamy.kz
Tórt azamatqa qatysty polısıa qyzmetkeriniń zańdy talabyna baǵynbaǵany úshin Ákimshilik quqyq buzýshylyq týraly kodekstiń 667-baby boıynsha ákimshilik hattamalar toltyryldy.
"Aksıanyń basqa toǵyz qatysýshysy kólik quraldarynyń júrisine kedergi jasaǵany úshin Kodekstiń 614-baby boıynsha ákimshilik jaýapkershilikke tartyldy, – dedi QR İİM Ákimshilik polısıa komıtetiniń (ÁPK) tóraǵasy Qaısar Sultanbaev.
"Bul áreketter qoǵamdyq tártipti óreskel buzý, jol júrisine kedergi keltirý, sondaı-aq polısıa qyzmetkerleriniń zańdy talaptaryn oryndamaý bolyp sanalady. Bul jaǵdaıdy turǵyndar tıisti organdarmen jáne qyzmet kórsetetin uıymdarmen zań sheńberinde, sondaı-aq mıtıń uıymdastyrý týraly Zańnyń talaptaryn saqtaı otyryp, ony aldyn ala jergilikti atqarýshy organǵa habarlaý arqyly sheshýi qajet bolatyn. Osylaısha bul azamattar qoǵamdyq tártipti buzyp, basqa azamattarǵa qolaısyzdyq týǵyzdy", - deıdi Sultanbaev.