Jańadan ashylatyn demalys oryndarynyń sany -15
Olar SQO-da paıda bolady, dep habarlaıdy Almaty-akshamy.kz Qazaqtv.com saıtyna silteme jasap.
Jańa týrısik nysandar «Imantaý-SHalqar» kýrorttyq aımaǵynda ashylady. Qazir olardyń sany 6-ǵa jetti. Bıyl qańtar aıynan bastap týrızm salasynda jumys isteıtin otandyq kásipkerler memlekettik qoldaýǵa ıe bolady. Sýbsıdıa nysandardyń qurylysyna ǵana emes, sondaı-aq olardy qaıta jańartýǵa da qarastyrylǵan. Shyǵyndardy óteýge ótinimder 1 naýryzǵa deıin qabyldanady. Ol bıyl qoldanysqa engizilgen nysandarǵa beriledi.
«Bul qarjy týrısik obektilerdi salýǵa jáne qaıta jańǵyrtýǵa ketken shyǵyndardyń bir bóligin óteıdi. Naqtyraq aıtsaq, kásipkerge saraptama qorytyndysy kórsetken somanyń 10% kóleminde sýbsıdıa qarastyrylǵan. Eger týrısik maqsatqa kólik alsańyz - 25%, al jol boıyndaǵy servıstik obektilerdi salýǵa 10% kóleminde demeýqarjy bólinbek. Sondaı-aq sanıtarlyq-gıgıenalyq toraptardy ustaýǵa aı saıyn 83 300 teńgeden beriledi», - deıdi oblystyq kásipkerlik basqarmasy basshysynyń orynbasary Danıar Isaev.