Almaty qoǵamdyq qaýipsizdikti sıfrlandyrýda kósh bastap, jaıly da qaýipsiz ómir súrý úshin jańa tehnologıalar arqyly qala turǵyndaryna barynsha jaǵdaı jasap jatyr. Óńirlik komýnıkasıalar qyzmetinde Almaty qalasy Sıfrlandyrý basqarmasy basshysynyń mindetin atqarýshy Meıram Dúısekov osylaı dep málimdedi.
Prezıdent Qasym-Jomart Toqaev óz Joldaýynda ekonomıka salalaryn sıfrlyq túrlendirýdi tapsyrǵan bolatyn. Osy mindet aıasynda shahar ákimdigi biraz jobany iske asyrǵaly jatyr.
Almaty elimizde alǵash ret Biryńǵaı beınemonıtorıng júıesin engizdi. Qalada qazir 54 myńnan astam kamera ornatylǵan, onyń 2,2 myńy adamnyń bet-álpetin tanı alady. Jyl sońyna deıin kameranyń sany 70 myńǵa jetpek. Sonymen qatar «Sergek» ıntellektýaldy júıesi jol qaýipsizdigin baqylap keledi. Qazir osyndaı 1 641 keshen jumys istep tur. Sonyń nátıjesinde jol apaty 20%-ǵa, adam shyǵyny 40%-ǵa azaıǵan.
«Keshendi qaýipsizdik júıesi de mańyzdy ról atqarady. Onyń aıasynda 215 mektep, 193 balabaqsha men 64 medısınalyq nysanǵa beınebaqylaý ornatyldy. Bul júıe tótenshe jaǵdaı qyzmetine avtomatty túrde habar berip, oqıǵany taldaýǵa múmkindik jasaıdy. Qalada qosymsha 32 SOS túımesi ornatyldy», – dedi spıker.
Sıfrlyq sheshimder turǵyn úı-kommýnaldyq salaǵa da engizilgen. ialma.kz platformasy 40-tan astam qyzmetti avtomattandyryp, qala turǵyndarynan 10 myńnan astam ótinish qabyldady.
Almatynyń tájirıbesi – sıfrlandyrýdyń yńǵaılylyq qana emes, sonymen birge qala ómiriniń qaýipsizdigi men senimdi ınfraqurylymyn qalyptastyrýdyń kepili ekenin kórsetip otyr.