84 jyljymaıtyn múlik nysany qabyldandy.
Almatynyń komýnaldyq menshigine bıyl jańadan salynǵan 84 jyljymaıtyn múlik nysany qabyldandy. Bul týraly Óńirlik komýnıkasıalar qyzmetiniń onlaın brıfıńinde Almaty qalasynyń Memlekettik aktıvter basqarmasynyń basshysy Abzal Egemberdıev aıtty, dep habarlaıdy Almaty-akshamy.kz.
Memleket menshigine berilgen nysandar arasynda mektepter, kóp qabatty úıler, dene shynyqtyrý-saýyqtyrý keshenderi bar.
2022 jyldyń 1 qarashasyndaǵy jaǵdaı boıynsha, qalanyń komýnaldyq menshigine jańadan salynǵan 84 jyljymaıtyn múlik nysany qabyldandy. Olardyń arasynda jańa salynǵan 18 bilim berý nysany (onyń ishinde mektepterge jalǵanyp salynǵan 14 japsarlas qurylys); 63 kóp páterli turǵyn úı jáne 3 dene shynyqtyrý-saýyqtyrý kesheni bar.
«Respýblıkalyq menshikten komýnaldyq menshikke 99 jyljymaıtyn múlik nysany, bul - 88 páter jáne mekenjaı boıynsha 11 jyljymaıtyn múlik nysany qabyldandy. 7 syıǵa tartý sharty boıynsha 1 páter, 2 ǵımarat, 3 fýtbol túrindegi angar jáne baǵdarlamalyq ónim qabyldandy», - dep atap ótti Almaty qalasynyń MAB basshysy.
Brıfıńte 2022 jyldyń 1 qańtarynan bastap 2022 jyldyń 1 qarashasyna deıin Almaty qalasy ákimdiginiń qaýlylaryna sáıkes jańadan salynǵan 32 ınjenerlik nysan qalanyń komýnaldyq menshigine qabyldanǵany belgili boldy. Bul tizimde sý jáne káriz jelileri, qurylys jáne avtokólik joldaryn rekonstrýksıalaý nysandary, syrtqy jaryqtandyrý, telefon jelileri men jol belgileri, jylý jelileri, saıabaq múlki jáne t.b. bar.
Sonymen qatar, Abzal Egemberdıevtiń aıtýynsha, 2019 jyldyń 1 mamyrynan bastap Almaty qalasy boıynsha memlekettik satyp alýdyń jalǵyz uıymdastyrýshysy bolyp Almaty qalasynyń Memlekettik aktıvter basqarmasy taǵaıyndaldy.
2022 jyldyń 10 aıynda jalpy somasy 254,6 mlrd teńgege 397 konkýrs jarıalandy, onyń ishinde: jumystar boıynsha, 177,7 mlrd teńgege 220 konkýrs; taýarlar boıynsha 58,7 mlrd.teńge somasyna 49 konkýrs; qyzmet kórsetý boıynsha 18,1 mlrd teńge somasyna 128 konkýrs. Satyp alýdan túsken únemdeý 7,8 mlrd teńgeni qurady.