Olardyń zańsyz júrgenderi «Ýchaske» is-sharasy barysynda anyqtaldy.
Kóshi-qon qyzmeti habarlaǵandaı, sheteldik azamattar Qazaqstan Respýblıkasynyń halyqtyń kóshi-qony salasyndaǵy zańnamasyn buzǵan, dep habarlaıdy Almaty-akshamy.kz Polisia.kz-ke silteme jasap.
«Bir aptanyń ishinde 216 sheteldik ákimshilik jaýapkershilikke tartyldy, onyń ishinde 38 alys shetel azamattary (Afrıka qurlyǵy elderinen – 17 jáne Túrkıa – 11), sondaı-aq 178 kórshiles elderdiń azamaty. Sonymen qatar 105 shetel azamatynyń jeke basyn kýálandyratyn qujaty bolmaı, qabyldap-taratýǵa ornalastyryldy. Ózbekstannan – 66, Tájikstannan – 25 jáne Nıgerıadan – 8. Sot sheshimimen Qazaqstannan 40 sheteldik shyǵaryldy, onyń 22-si Ózbekstan azamaty, 11-i Nıgerıa azamaty», dedi, Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Sondaı-aq Qazaqstan Respýblıkasynyń kóshi-qon zańnamasyn óreskel buzyp, shetel azamattaryn qabyldaǵan 54 jeke jáne zańdy tulǵa ákimshilik jaýapkershilikke tartyldy.