Aǵymdaǵy jyldyń sońyna deıin barlyq 206 memlekettik mektepte, 8 ınternatta jáne 193 memlekettik balabaqshada qaýipsizdik júıesin engizý aıaqtalady.
Bul týraly bilim berý qyzmetkerleriniń tamyz keńesinde ákim Erbolat Dosaev málimdedi, dep habarlaıdy Almaty-akshamy.kz
"Balalardyń qaýipsizdigi-balalardy qorǵaý salasyndaǵy memlekettik saıasattyń basty basymdyqtarynyń biri. Sondyqtan bul joba jalpy quny 7,6 mlrd teńge bolatyn úsh jyldyq servıstik model aıasynda qarjylandyrylady", - dedi ol.
Sondaı-aq, ol Almatyda alǵash ret 2023 jyldyń 1 qyrkúıeginen bastap 30 mektepte "Mektep avtobýsy" jobasy iske asyrylatynyn atap ótti. Jergilikti búdjet esebinen 100 avtobýs 5,2 mlrd. teńgege satyp alynyp, tasymaldaý qyzmetterine 1,4 mlrd. teńge bólindi.
"2023 jyly jalpy qamtý 7,7 myńnan astam balany quraıdy. Biz bul jobany keńeıtýdi josparlap otyrmyz, kelesi jylǵa 11 mektepke taǵy 50 avtobýs satyp alýdy josparlaýdamyz", – dedi qala basshysy.