Olar “Qorǵaý – Qaýipti júrgizýshi” júıesi arqyly anyqtaldy.
Buryn habarlanǵandaı, Almaty polısıasy memlekettik jalǵan nómirlerdi paıdalanatyn, kólikterge arnaıy belgi berý qurylǵylaryn ornatqan júrgizýshilerdi, sondaı-aq kólik quraldaryn mas kúıinde basqarǵan adamdardy anyqtaý jáne jaýapkershilikke tartý boıynsha maqsatty jumystar júrgizip jatyr. Qorǵaý – Qaýipti júrgizýshi” kesheni jyl basynan beri qala joldarynda 4123 quqyq buzýshylyqty anyqtady, dep habarlaıdy Almaty-akshamy.kz Polisia.kz-ke silteme jasap.
Eske salaıyq, “Qorǵaý – Qaýipti júrgizýshi” – patrúldik polıseılerdiń qyzmettik planshetterine ornatylǵan jáne “Sergek” aparattyq-baǵdarlamalyq júıelerimen biriktirilgen avtomattandyrylǵan júıe. Onyń jumys isteý prınsıpi kelesideı: júıe izdeýdegi kólik aǵynyndaǵy kólikterdi anyqtaıdy jáne derekterdi polısıa operatory úshin serverge jiberedi. İzdeýdegi kólik tabylǵan kezde operator patrúldik qyzmetkerlerge belgi beredi.
“Qorǵaý – Qaýipti júrgizýshi” tártip buzýshylardy, jalǵan nómirlerdi, kólik quralyn basqarý quqyǵynan aıyrylǵan adamdardyń avtokólikterin, sondaı-aq izdeýde júrgen kólikterdi anyqtaıdy. Júıeniń negizgi fýnksıalarynyń biri – qaýipti júrgizýshilerdi anyqtaý. Sondaı-aq polısıada, mamandandyrylǵan algorıtmderdi paıdalana otyryp, avtomattandyrylǵan baǵdarlamalyq keshen joldarda apattyq jaǵdaı týǵyzatyn júrgizýshilerdi anyqtaıtynyn aıtty. Júıe berilgen radıýsta olardyń ornalasýyn kórsetedi. Polısıa qyzmetkeri óz kezeginde mundaı kólikterdi toqtatyp, yqtımal apat bolmas buryn aldyn alý sharalaryn qoldana alady.
Sonymen qatar, aqpan aıynda jol qozǵalysy qaýipsizdigin qamtamasyz etýge jáne jol-kólik oqıǵasy deńgeıin tómendetýge baǵyttalǵan patrúldik kólikterge jańa “Sergek-Patrýl” keshenderi ornatyldy. Joǵary ıntellektili kameralardyń kómegimen keshen aǵyndaǵy kólikti anyqtap, memlekettik nómirdi tanıdy jáne derekterdi serverge jiberedi. Sondaı-aq memlekettik tirkeý belgisi “qoldan jasalǵan” bolýyna, tehnıkalyq baıqaýdyń, saqtandyrý polısiniń bolmaýyna, tólenbegen aıyppuldardyń, urlyq jáne qandaı da bir quqyq buzýshylyqqa qatysy bar-joǵyna tekseriledi.