Bıylǵy jyldyń basynan beri Almatyda QR kóshi-qon zańnamasyn buzýdyń 15 904 deregi anyqtaldy.
4 182 is boıynsha shetel azamattary jaýapkershilikke tartyldy, dep habarlaıdy Almaty-akshamy.kz Polisia.kz-ke silteme jasap.
"Sot sheshimderimen 310 sheteldik Qazaqstan Respýblıkasynan shyǵaryldy, jeke basyn kýálandyratyn qujattary joq 673 shetel azamaty PD qabyldap-taratý bólimine ornalastyryldy. Sonymen qatar, 2022 jyldyń 6 aıynda eńbek ımıgranttaryna jeke adamdarda jumys isteýi úshin 34 162 ruqsat qaǵazy berildi jáne uzartyldy. Qazirgi ýaqytta zańsyz kóshi-qon arnalarynyń jolyn kesý jáne sheteldikterdi azamattyq-prosessýaldyq tártipte elden shyǵarý – bizdiń birinshi kezektegi mindetimiz", – dedi Almaty qalalyq PD Kóshi-qon qyzmeti basqarmasynyń bastyǵy Asqat Býtýnchınov.
Sondaı-aq, polısıa Almatyda jyl basynan beri “Kelimsek” jáne “Nelegal” eki respýblıkalyq jedel aldyn alý is-sharasy ótkizilgenin habarlady.