Jeke reıtıńte uldar birinshi oryndy, qyzdar segizinshi oryndy ıelendi.
Qazaqstan aýyr atletıkadan Azıa chempıonatynda 47 medal jeńip aldy, dep habarlaıdy Almaty-akshamy.kz Olympic.kz silteme jasap.
Aýyr atletıka federasıasynyń baspasóz qyzmeti habarlaǵandaı, Tashkentte 17 jasqa deıingi jasóspirimder men 20 jasqa deıingi jastar arasyndaǵy Azıa chempıonaty aıaqtaldy.
«Jarysqa Qazaqstan quramasynan 22 sportshy – 13 bozbala men 9 qyz qatysty. Jarys qorytyndysy boıynsha, sportshylarymyz 47 medal jeńip aldy, onyń ishinde 10 altyn, 23 kúmis jáne 14 qola bar», - delingen habarlamada.
17 jasqa deıingi jasóspirimder arasyndaǵy medaldyq esepte Qazaqstan quramasy úshinshi oryn aldy. Jeke reıtıńte uldar birinshi oryndy, qyzdar segizinshi oryndy ıelendi.
Jasóspirimder men 20 jasqa deıingi jastar arasyndaǵy jalpy kategorıada Qazaqstan quramasy Azıa qurlyǵynda on birinshi orynǵa taban tiredi.