QMA Almaty qalasy boıynsha departamenti «Warner Bros», «Roborock» jáne «NFT+TRX» qarjylyq pıramıdalarynyń qyzmetin toqtatty.
Qarjylyq pıramıda uıymdastyrýshylary salymshylardy treılerlerdi kórý arqyly joǵary paıda alý degen syltaýmen jobalarǵa ınvestısıa salýǵa kóndirgen, dep habarlaıdy aqshamnews.kz.
Joba 9 deńgeıden quralyp, ortasha salym somasy 225 myń teńgeni qurady, tólemder tek USDT krıptovalútasynda qabyldandy.
Mysaly, «Warner Bros» jobasy boıynsha salymshylar arnaıy qosymshaǵa tirkelip, krıptovalúta arqyly qoljetimdilikti satyp alyp, treılerlerdi kórý úshin jáne jańa salymshylardy shaqyrý úshin «esepteletin» syıaqylar alǵan.
Tergeý barysynda salymshylardan qarajat jınaý jáne tranzıt jasaý úshin qoldanylǵan krıptovalútalyq ámıandar anyqtaldy.
Sottyń sanksıasymen 3,8 mln USDT kóleminde krıptoaktıvterge tyıym salyndy.
Quqyqtyq is júrgizý kodeksiniń 201-babyna sáıkes basqa aqparat jarıa etýge jatpaıdy.
Eger Sizge ekonomıkalyq quqyq buzýshylyq jasaý faktileri belgili bolsa, bul týraly "AFM Insider" telegram botyna habarlaýyńyzdy suraımyz.
Anonımdilikke kepildik beriledi.