Bul shamamen 99%, onyń ishinde 35 myńnan astam bala áleýmettik osal sanatta. Bul maqsatta 209-dan astam mektep janyndaǵy jáne 20-dan astam qala syrtyndaǵy lagerler jumysy josparlanýda. Jazǵy demalys jaıly málimetterdi Óńirlik komýnıkasıalar qyzmetiniń brıfıńinde Almaty qalasy bilim basqarmasy basshysynyń orynbasary Janat Aıtpaeva aıtyp berdi, dep habarlaıdy almaty-akshamy.kz
Qalanyń 8 aýdanynyń ákimdikterimen mektep janyndaǵy lager balalaryna teatrlarǵa, murajaılarǵa, kitaphanalarǵa tegin barý qarastyrylǵan. Sonymen qatar, 750 balany qamtıtyn oqýshylar saraıynyń "Órnek" lageri jaz boıy jumys isteıtin bolady. Demalys kezine balalarǵa arnalǵan seksıalar, klýbtar, úıirmeler, eńbek toptary, ekskýrsıalar qarastyrylǵan. Olarmen 60 myńnan astam bala qamtylady.
Oqýshylar Saraıynda jáne 7 oqýshylar Úıinde 14 myńnan astam bala sport seksıalarymen, tehnıkalyq jáne kórkemóner úıirmelerimen, sondaı-aq doıby, shahmat, ústel tenısi, boks, kúres, gımnastıka, dombyrada oınaýdy úırený, bı, fýtbol jáne basqa oıyndarmen qamtylady. Budan basqa, balalarǵa qosymsha bilim berýge arnalǵan memlekettik tapsyrysqa sáıkes 86 jekemenshik qosymsha bilim berý uıymdarynda 5 500 qamtylady.
Aýla klýbtary kámeletke tolmaǵandardyń isteri jónindegi bólimshelerde profılaktıkalyq esepte turǵan, sondaı-aq qolaısyz jáne az qamtylǵan otbasylarda turatyn 8 500-ge jýyq jasóspirimdi qamtıdy.Jazǵy demalysty uıymdastyrýdyń jáne balalardyń qaýipsizdigin qamtamasyz etýdiń biryńǵaı tásilin qamtamasyz etý úshin bilim basqarmasymen bilim berý uıymdaryna nusqaýlyq hat joldandy, onda mektep janyndaǵy lagerlerdi uıymdastyrý boıynsha usynymdar, nusqaýlyqtar, jadynamalar bar, olardyń qyzmetin sanıtarlyq-medısınalyq jáne sanıtarlyq-gıgıenalyq qamtamasyz etýge qoıylatyn talaptar engizildi.
Iývenaldy polısıa tarapynan mektep janyndaǵy lagerlerge ınspektorlar joldanyp, balalardyń joldaǵy, sý qoımalaryndaǵy qaýipsizdigi boıynsha dárister ótkizetin bolady.