Qazirgi tańda Almaty qalasynda temperatýralyq fonnyń joǵarylaýy baıqalýda, shomylý maýsymyna az qaldy.
2022 jyly júrgizilgen profılaktıkalyq jumystardyń nátıjesinde qala sý aıdyndarynda adam ólimine jol berilmedi, 17 adam qutqaryldy, onyń ishinde 6 bala («Saıran» kólinde).
Sýdaǵy jazataıym oqıǵalardyń aldyn alý maqsatynda Departament qyzmetkerleri polısıa qyzmetkerleri, QR UK áskerı qyzmetshileri, qutqarý qyzmetiniń jáne RQJQ qutqarýshylary, sondaı-aq eriktilermen birlesip reıdtik is-sharalar júrgizedi.
Reıdter barysynda qoǵamdyq tártip pen qaýipsizdik erejelerin buzýshylar jaýapkershilikke tartylady, mysaly, 2022 jyly 63 adam ákimshilik jaýapkershilikke tartylyp, jalpy somasy 790 myń teńgege aıyppul salyndy (QR ÁQBtK – niń 440 – baby – 40 adam, 364-baby-16 adam, 412-baby-7 adam).
Qazirgi ýaqytta, Departament buqaralyq aqparat quraldary arqyly keń aýqymdy úgit-nasıhat jumystaryn júrgizýde, barlyq bilim berý, densaýlyq saqtaý obektilerinde, adamdar kóp jınalatyn oryndarda (SOO, SÚ, HQKO, vokzaldar, metropolıten, kınoteatrlar), sondaı-aq Almaty qalasynyń joldary boıynda ornalasqan smartbordtar men LED ekrandarda beınerolıkter kórsetilimderi belsendi júrgizilýde.
Kúndelikti memlekettik jáne orys tilinde Almaty TV telekanalynda «Sýdaǵy qaýipsizdik erejeleri» taqyrybynda beınerolıkter kórsetilip jatyr, jáne «Rýsskoe radıo-Azıa», «Evropa Plús Kazahstan», «Narodnoe Radıo» radıokanaldarynda «Sýdaǵy qaýipsizdik erejeleri» taqyrybynda aýdıotaspa júrgizilip jatyr.
Qalada 56 baseın bar, onda balalarǵa júzý sabaqtary júrgiziledi (júzýdi úıretý kezeńi 3 aıdy quraıdy). Sonymen qatar, qalanyń jalpy bilim beretin mektepteriniń 6 baseıninde oqytý júrgiziledi. Búgingi tańda, 6000 bala (5870 bala) oqytyldy. Júzýdi úıretý balalardyń sýdaǵy qaýipsizdik erejelerin bilý deńgeıin arttyrady.
Sonymen qatar, qalada DAmý bala baǵdarlamasy bastaldy, onda 3500 jýyq bala júzýdi tegin oqytýǵa jazyldy.
Sonymen qatar, bilim basqarmasymen birlesip mamyr aıynda qala mektepteri arasynda «Qaýipsiz sý» aksıasy ótkizildi, onda oqýshylar arasynda esse, sýret, qabyrǵa gazetteri, taqyryptyq jeliler, sondaı-aq «Qaýipsiz sý» taqyrybynda synyp saǵattary konkýrstary ótkiziledi.
Osy múmkindikti paıdalana otyryp, biz ata-analarǵa balalarǵa sýda qaýipsiz júris-turys erejeleri týraly jáne aldaǵy shomylý maýsymynda olarǵa baqylaýdy kúsheıtý týraly aıtyp berýin suraımyz.
Osyndaı profılaktıkalyq jumystyń arqasynda balalarda sýdaǵy minez-qulyq mádenıeti qalyptasady.
Jalpy, Departament qala turǵyndary men qonaqtaryna sý aıdyndarynda qaýipsizdik erejelerin saqtaýdy, sondaı-aq tyıym salynǵan jerlerde shomylmaýdy eskertedi.