Oqıǵadan zardap shekkender joq.
Bostandyq aýdanyndaǵy 21 qabatty turǵyn úı kesheninde páterden órt shyqty, dep habarlaıdy aqshamnews.kz qalalyq Tótenshe jaǵdaılar departamentine silteme jasap.
"14 sáýirde saǵat 11:02-de Gagarın dańǵyly, 133B mekenjaıyna jiberilgen Almaty qalalyq Tótenshe jaǵdaılar departamentiniń kúsh-quraldary 14-qabattaǵy páterdiń balkonynda, shamamen 5 sharshy metr aýmaqta turmystyq zattardan shyqqan órtti tez arada oqshaýlady", - dedi vedomstvo ókilderi.
Órt saǵat 11:20-da tolyǵymen sóndirilgen. Oqıǵadan zardap shekkender joq.
"Órt sóndirýshiler kelgenge deıin ishki órt sóndirý kranynan saptamany engizgen qaýipsizdik qyzmetiniń is-qımylyn eskerý qajet. Órt sóndirý tehnıkasyna tar kóshege qoıylǵan jeke kólikter kedergi keltirgenin atap ótken jón", - dep habarlady departamenttegiler.