Almatyda Ǵylym qyzmetkerleri kúnine oraı Qazaq sport jáne týrızm akademıasynda jas ǵalymdar bas qosqan «Dene shynyqtyrý, sport, týrızm, bilim jáne ǵylymdy damytýdyń basym ǵylymı-pedagogıkalyq baǵyttary» atty III Halyqaralyq Forým ótti.
Oǵan Ulttyq ǵylym akademıasynyń ókilderi jáne jas, jetekshi ǵalymdar men óndiristegi mamandar qatysty, dep habarlaıdy aqshamnews.kz.
Olar sıfrlyq tehnologıalar men jasandy ıntellektini engizý arqyly, halyqty buqaralyq sportqa tartý, orta bilim berý mekemelerinde dene shynyqtyrýdy jańartylǵan baǵdarlama negizinde oqytý men joǵary jetistikter sportynda sportshylardy keshendi baqylaý arqyly jattyǵý úrdisin josparlaý, týrısik qyzmetterdi sıfrlandyrý, ınklúzıvti týrızmdi damytý men jańa býyn kadrlaryn daıarlaý, ekologıalyq, emdeý-saýyqtyrý men mádenı týrızmniń bolashaǵy, sondaı-aq sporttyq týrızmniń damýy sıaqty ózekti máselelerdi talqylady.
İs-shara aıasynda QR Eńbek sińirgen jattyqtyrýshysy jáne Halyqaralyq dárejedegi sport sheberi Baıtursynov Serik Samuratuly stýdenttermen breın-rıng ótkizdi.
Startaptar saıysynda stýdentter jasandy ıntellekt elementteri bar ıntellektýaldy meıramhana, kıno-kafe, qonaqtardyń kóńil-kúıin mázir men atmosfera arqyly ózgerte alatyn Mood-Food jobasyn tanystyrdy. Sondaı-aq qonaqjaılylyq salasyn robottandyrý men sıfrlyq transformasıalaý sıaqty jobalardy qarastyryp, qazylar alqasynan ádil baǵalaryn aldy.
Forým sońynda 2025 jylǵy ǵylymı-zertteý jumystaryn júrgizý úshin QazSTA rektory grantynyń jeńimpazdary marapattaldy.