Almatyda “Jasóspirim” jedel-profılaktıkalyq is-sharasy aıasynda Medeý aýdandyq polısıa basqarmasynyń qyzmetkerleri Pýshkın kóshesiniń boıyndaǵy aleıany aralaý kezinde Shymkent qalasynda iz-túzsiz joǵalǵandar tiziminde turǵan 16 jastaǵy qyzdy anyqtady, dep habarlaıdy aqshamnews.kz Polisia.kz-ke silteme jasap.
— Kámeletke tolmaǵan qyz, Almatyǵa ata-anasynyń habarynsyz óz betimen kelgenin aıtty. Polısıa, dereý onyń qaýipsizdigin qamtamasyz etý sharalaryn qabyldady - qyz bala zańdy ókilderi kelgenshe qıyn jaǵdaıdaǵy balalardy qoldaý Ortalyǵyna ýaqytsha ornalastyryldy, - dedi Medeý aýdandyq polısıa basqarmasynyń bastyǵy İlıas Ómirserikov.
Aldyn alý jyly aıasynda Almaty polısıasy kámeletke tolmaǵandardyń quqyqtaryn anyqtaý jáne qorǵaý jumystaryn kúsheıtti. Qyzdyń ata-anasymen jáne týystarymen týystyq baılanystardy nyǵaıtýǵa jáne qaıtalap ruqsatsyz ketý jaǵdaılarynyń aldyn alýǵa baǵyttalǵan jeke profılaktıkalyq jumystar júrgiziletin bolady. Almaty polısıasy kámeletke tolmaǵandardyń múddesin qorǵaý jáne balalardyń qaýipsizdigin qamtamasyz etý boıynsha keshendi jumysty jalǵastyrady.