Almaty máslıhatynyń kezekten tys sesıasy barysynda depýtattar megapolıstiń úsh jyldyq búdjetin bekitti.
Onda kólik ınfraqurylymynyń birqatar jobalaryn aıaqtaýǵa qarajat qarastyrylǵan, dep habarlaıdy aqshamnews.kz
Máselen, 2025 jyly Seıfýllın dańǵyly - Jansúgirov kóshesiniń qıylysyndaǵy jolaıryǵynyń qurylysyn aıaqtaý jáne Saın kóshesi Rysqulov dańǵylynan Aqyn Sara kóshesine deıingi, sondaı-aq Abaı dańǵylyn qala shekarasyna deıin uzartý jumystaryn aıaqtaý josparlanǵan.
Kelesi jyldyń shilde aıynda Saın kóshesin Rysqulov dańǵylynan Aqyn Sara kóshesine deıin jalpy uzyndyǵy 3,2 km uzartý aıaqtalady, sonyń arqasynda Momyshuly kóshesinen kólik júktemesiniń 40% - ǵa tómendeýi kútilýde.
Sondaı-aq mamyr aıynda Abaı dańǵylynyń B.Momyshuly kóshesinen qala shekarasyna deıingi aralyǵy paıdalanýǵa beriledi. Uzartýdyń jalpy uzyndyǵy 5,3 km quraıdy, eki jaǵynda alty jolaqty jol, velojoldar men trotýarlar bar.
Maýsym aıynda Jansúgirov kóshesi men Seıfýllın dańǵylynyń qıylysyndaǵy jolaıryǵynyń irgeles aýmaǵyn abattandyrylyp, qurylysty tolyq aıaqtaý josparlanýda.
Joba Seıfýllın dańǵylynda kóliktiń úzdiksiz qozǵalysyn qamtamasyz etý úshin jalpy uzyndyǵy 690 metr bolatyn 2 tonnel salýdy kózdeıdi. Jansúgirov kóshesi boıynsha kólik quraldarynyń ótýi jer deńgeıinde júzege asyrylatyn bolady. Sondaı-aq 4 jer ústi jaıaý júrginshiler ótkeli, trotýarlar jáne kógaldandyrý qarastyrylǵan.
Búgingi tańda barlyq sıezerge asfáltbeton jabyny tóseldi, bir jer ústi jaıaý júrginshiler ótkeli salyndy, káriz jáne baılanys jelilerin qaıta qurý jumystary júrgizilýde. Sonymen qatar, Seıfýllın dańǵylyndaǵy «Batys» jáne «Shyǵys» tonnelderiniń asfáltbeton jabynyn tóseý jumystary aıaqtaldy.
Aıta ketý kerek,jolaıryǵy paıdalanýǵa berilgennen keıin Jansúgirov kóshesiniń ótkizý qabileti 15% - ǵa, Seıfýllın dańǵylynyń ótkizý qabileti 20% - ǵa artady dep kútilýde.