Almatyda 2025 jyly qalanyń basty tabıǵı nysandarynyń biri bolyp tabylatyn Baým toǵaıyn abattandyrý jobasyn iske asyrý josparlanǵan. Toǵaıdyń aýdany 137,7 ga quraıdy, ol Túrksib aýdanynda Seıfýllın men Súıinbaı dańǵyldarynyń arasynda ornalasqan.
2025-2027 jyldarǵa arnalǵan búdjettiń tıisti jobasyn Almaty Máslıhatynyń aldaǵy sesıasynda qaraý josparlanýda. Bul týraly qalalyq Máslıhattyń baspasóz qyzmeti habarlady.
Jobanyń maqsaty-toǵaıdy ekologıalyq mańyzy bar aýmaq retinde jańǵyrtý, turǵyndar arasynda eko-sanany dáripteý. Tásildiń ereksheligi-toǵaıdyń tabıǵı komponentine mınımaldy aralasý.
Aýmaqta shaǵyn arhıtektýralyq formalar paıda bolady: oryndyqtar, besedkalar, ýrnalar, sondaı-aq balalar oıyndary men sportqa arnalǵan jabdyqtar. Kógaldandyrý kezinde erozıany boldyrmaý jáne jer jumystaryn azaıtý úshin tabıǵı relef pen jer jamylǵysy saqtalady.
Baým toǵaıy úsh aımaqqa bólinedi:
• Belsendi aımaq-ashyq ınfraqurylymǵa qoljetimdilikti qamtamasyz etý úshin toǵaıdyń perımetri boıynsha ornalasady.
• Rekreasıalyq aımaq-eń az ınfraqurylymy bar tynysh demalys orny bolady.
• Eko-aımaq-shekteýli aralasýmen tabıǵı flora men faýnany saqtaýǵa jáne qalpyna keltirýge arnalǵan.
Búkil joba úsh negizgi qaǵıdaǵa negizdelgen: qalpyna keltirý, eko-aımaqtarǵa bólý jáne qaýipsizdik. Abattandyrýdy júzege asyrý toǵaıdy qala turǵyndary úshin zamanaýı, ekologıalyq jáne jaıly demalys aımaǵyna aınaldyrýǵa baǵyttalǵan.