"ÓzenMunaıGaz" burǵylaý jumystary basqarmasynyń qyzmetkerleri tolyq quramda jumysqa shyqty, dep habarlaıdy aqshamnews.kz
2024 jyldyń 5 jeltoqsanynda "ÓzenMunaıGaz" burǵylaý jumystary basqarmasynyń (BJB) qyzmetkerlerimen kezekti kelissózder júrgizildi. Kelissóz nátıjesinde kelesi sheshimder qabyldandy:
▪️ Ruqsatsyz ótkizilgen aksıa toqtatyldy;
▪️ BJB qyzmetkerleri jumys oryndaryna tolyq quramda qaıta oraldy;
▪️ Túsindirý men talqylaýdy qajet etetin máseleler zańnamaǵa jáne quqyqtyq normalarǵa sáıkes ymyra komısıasynyń otyrysynda qaralatyn bolady.
Bul sheshim jumys prosesiniń turaqtylyǵy men zań talaptaryna sáıkes áreket etýdi qamtamasyz etý maqsatynda qabyldandy.
Esterińizge sala ketsek buǵan deıin «Ózenmunaıgaz» burǵylaý basqarmasynyń qyzmetkerleri birqatar talaptar qoıǵanyn jazǵan edik.