26 aqpan kúni tańerteń Almaty qalasynda jańbyr túrinde jaýyn-shashyn kútiledi, keshke ylǵaldy qarǵa aýysady, ol 27 aqpanda táýliktiń basynda aıaqtalady, túngi kezeńde aýa temperatýrasy -3...-5 gradýs aıazǵa deıin, kúndiz +1...+3 jylý tómendeıdi, dep habarlaıdy aqshamnews.kz.
Osyǵan baılanysty qalanyń komýnaldyq qyzmetteri kúsheıtilgen rejımde jumysqa aýystyrylady, óndiristik bazalarda júrgizýshilerdiń, mehanızatorlardyń jáne jol jumysshylarynyń táýlik boıy kezekshilikteri uıymdastyrylady. Qar jaýa bastaǵanǵa deıin ornalasqan jerlerdegi kóktaıǵaq qubylystarynyń aldyn alý maqsatynda 204 qum taratqyshtyń kezekshiligi uıymdastyrylatyn bolady. Aldyn ala qar jaýar aldynda negizgi magıstraldyq kóshelerdi suıyq reagenttermen óńdeý josparlanýda. Táýlik boıy 624 birlik arnaıy tehnıka men 1380 jol jumysshysyn tartý josparlanýda.
Budan basqa, joldardyń qaýipti ýchaskelerinde, túsýlerde, kóterilýlerde, jol aıryqtarynan shyǵýlarda muzdyń aldyn alý jáne joıý úshin 46 jedel brıgadanyń kúshimen jol jamylǵysynyń jaı-kúıin patrúldeý jónindegi jumys kúsheıtiletin bolady. Aýdan ákimdikterinde jumys óndirisin baqylaý boıynsha táýlik boıy kezekshilik uıymdastyrylady.
Joldardyń júris bóligindegi boljamdy muzdanýǵa, trotýarlardaǵy kóktaıǵaqqa baılanysty avtokólik júrgizýshileri men jaıaý júrginshilerden saqtyq sharalaryn saqtaýdy suraımyz. Júrgizýshilerge jyldamdyqty tómendetýge, avtomobılder arasyndaǵy qashyqtyqty arttyrýǵa jáne ótkir manevrlerden aýlaq bolýǵa keńes beremiz.
Kólik júrgizý tájirıbesi az adamdar avtokólikpen júrýden bas tartyp, qoǵamdyq kólikke aýysqandary durys. Jaıaý júrginshiler muzdy qabyrshaqtyń paıda bolýyna baılanysty trotýarlarda júrý kezinde saqtyq sharalaryn saqtaýy kerek.