2025 jyldyń sońyna deıin qalada 71 mektep salý josparlanýda, onyń ishinde qalalyq búdjet esebinen – 23 mektep jáne qosalqy nysandar, al qalǵandary – jeke qarajat esebinen, onyń ishinde qurylys salýshylarmen jasalǵan memorandýmdar aıasynda 16 mektep jáne qosalqy nysandar salý. Bul týraly «Almatyny 2025 jylǵa deıin damytý baǵdarlamasy jáne 2030 jylǵa deıingi negizgi basymdyqtarda» aıtylǵan, dep habarlaıdy Almaty-akshamy.kz.
Budan basqa, 2025 jyldyń sońyna deıin Alataý, Bostandyq, Naýryzbaı jáne Túrksib aýdandarynda qosymsha bilim berýdi damytý boıynsha 4 zamanaýı ortalyq qurylatyn bolady.
Áleýmettik nysandar salynyp jatqan turǵyn úı keshenderiniń birinshi qabattaryna ornalastyrylady. Ǵımarattardy aralas paıdalaný 2024 jyldan bastap Soltústik jáne Shyǵys qaqpasy polıortalyqtarynda alǵashqy turǵyn úı keshenderiniń tapsyrylýymen synalatyn bolady.
Osylaısha, polıortalyqtar alańynda qajetti ınfraqurylymy men fýnksıalar bar qyzmetter jıyntyǵy nátıjesinde qaýipsiz tatý kórshilik orta qalyptasatyn bolady