Polıortalyqtardy damytýdyń negizi retinde tarıhı ortalyq alynady.
Almatyda bir ortalyqtyń ornyna «Soltústik», «Batys», «Ońtústik-batys», «Shyǵys qaqpasy» jáne «Tarıhı ortalyq» sıaqty bes ortalyq paıda bolady. Qala halqynyń basym bóligi solarda turady dep boljanýda. Bul týraly «Almaty qalasyn 2025 jylǵa deıin damytý baǵdarlamasy jáne 2030 jylǵa deıingi negizgi basymdyqtar» qujatynda aıtylǵan, dep habarlaıdy Almaty-akshamy.kz.
Polıortalyqtardy damytýdyń negizi retinde tarıhı ortalyq alynady, óıtkeni ol qala turǵyndary, kásipkerler men týrıser úshin tartymdy.
Mysaly, «Soltústik» polıortalyǵy – joba boıynsha Almaty-1 temirjol stansıasyna irgeles aýmaqta ornalasatyn bolady. Óndiris pen bazarlardy osy aımaqtan alyp tastaý usynylady. Bul rette aýmaqtardyń bir bóligi rekreasıa men kógaldandyrý (ÚAK boıy, Baým toǵaıy) úshin paıdalanylatyn bolady. Budan basqa, polıortalyqta qyzmet kórsetý salasy belsendi damıdy.
«Shyǵys qaqapasy» polıortalyǵy Talǵar jáne Qulja traktileri aýmaǵynda qurylady ári áýejaı aýdanyndaǵy logıstıkalyq hab pen kórme-oıyn-saýyq ornyna aınalady.
«Batys» polıtortalyǵyn Saın jáne Rysqulov dańǵyldarynyń qıylysynan soltústik-batysqa qaraı damytý josparlanǵan. Onyń aýmaǵynda ındýstrıalyq kásiporyndar, kólik-logıstıkalyq hab ornalasady.
«Ońtústik-batys» polıortalyǵy Raıymbek dańǵyly men uzaratyn Alataý kóshesiniń qıylysynda ornalasady. Bul jerde shaǵyn-ónerkásiptik parkter, saýda jáne logıstıka obektilerin ornalastyrý josparlanýda. Sondaı-aq, ol agroónerkásiptik óńdeý obektilerimen, saýda-logıstıkalyq keshendermen jáne ákimshilik-iskerlik ortalyqtarmen tolyqtyrylatyn bolady.
«Tarıhı ortalyq» Almatynyń ózegi bolyp qala beredi. Munda ınfraqurylym, qyzmet kórsetý salasy jáne týrısik baǵyttar odan ári damıtyn bolady. Eldi mekenderdiń teńgerimdi jáne tıimdi tyǵyzdyǵyn jáne aýdandy qoǵamdyq, komersıalyq jáne basqa obektilermen toltyrýdy eskere otyryp, polıortalyqtardy damytý ekonomıkalyq belsendiliktiń ósýine jáne kóshelerdiń áleýmettenýine yqpal etedi.
Bul rette barlyq aýdandar yqpaldastyq pen kósheler jelisiniń baılanysy esebinen bir-birinen jáne tarıhı ortalyqtan oqshaýlanbaıdy. Kerisinshe, qala turǵyndary qalanyń kez-kelgen jerine ońaı bara alady.
Mundaı qozǵalystardyń dálizderi tasymaldaý, saýda, mádenı demalys, oıyn-saýyq jáne t.b. salalardaǵy bıznes úshin tartymdy bolýy múmkin. Ekonomıkalyq mamandandyrýdy eskere otyryp, polıortalyqtar qurylymyn qalyptastyrýdy 2030 jylǵa qaraı aıaqtaý josparlanýda.