Megapolıste 2024 jyldyń toǵyz aıynda advokattar memleket kepildik bergen zań kómegi baǵdarlamasy aıasynda 13 175 azamatqa tegin zań kómegin kórsetti. Mundaı aqparat Almaty qalasynyń óńirlik komýnıkasıalar qyzmetiniń brıfıńinde keltirildi, dep habarlaıdy aqshamnews.kz.
«Bul qyzmetterdi oryndaýǵa 371,1 mıllıon teńge bólindi, bul 2023 jylmen salystyrǵanda 35% - ǵa artyq. Aǵymdaǵy jyldyń qazan aıyna deıin 279,6 mıllıon teńge jumsaldy. Osylaısha, belgilengen ındıkatorlar tolyq kólemde oryndaldy», - dedi Ádilet departamentiniń basshysy Balaıym Kesebaeva.
Almatyda 1 010 advokat jumys isteıdi, 1 óńirlik advokattar alqasy, 16 zań konsýltasıasy jáne 48 advokattyq keńse jumys isteıdi. Sonymen qatar, 5 667 músheni biriktiretin 15 zań keńesshisi Palatasy tirkelgen.
Sondaı-aq, qalada 945 notarıýs jumys isteıdi, bul ótken jylmen salystyrǵanda 25-ke artyq. 2024 jyly notarıattyq is-áreket jasaý kezinde zańnamanyń buzylýyna baılanysty, sondaı-aq notarıýstardyń ótinishteri boıynsha 18 notarıýstyń lısenzıalarynyń qoldanysy toqtatyldy. Tártiptik jaýapkershilikke 14 notarıýs tartyldy.
Sonymen qatar, departament osy kezeńde ákimshilik quqyq buzýshylyq týraly kodekstiń 668-baby boıynsha is qozǵaý týraly 312 ótinish túskenin habarlady (salystyrý úshin, 2023 jyly mundaı ótinishter 135 bolǵan). Qaraý qorytyndysy boıynsha 83-ne qatysty hattamalar jasalyp, aıyppuldar salyndy.
Advokattar men notarıýstardyń qyzmetin lısenzıalaý salasynda departament advokattyq qyzmetpen aınalysý quqyǵyna 504 úmitkerge tekserý júrgizdi, olardyń 59-y atestattaýdan sátti ótip, lısenzıa aldy, al 445-i lısenzıa ala almady. Notarıýstarǵa keletin bolsaq, 219 úmitkerdiń 41-i lısenzıa aldy, al 178-i atestattaýdan ótpedi. Advokattyq jáne notarıattyq qyzmetpen aınalysý quqyǵyna lısenzıa alýǵa úmitkerlerdi testileý Testileý ortalyǵynda ótkiziledi.