Búgin Almaty qalasynyń Óńirlik komýnıkasıalar qyzmetinde Almatynyń Ádilet departamentiniń basshysy Balaıym Kesebaevanyń qatysýymen brıfıń ótti, dep habarlaıdy aqshamnews.kz.
İs-shara barysynda resmı qujattarǵa apostıl qoıý boıynsha jumystyń qorytyndylary, sondaı-aq aǵymdaǵy jyldyń toǵyz aıyndaǵy tirkeý qyzmeti qyzmetiniń nátıjeleri usynyldy.
Kesebaeva esepti kezeńde «QR Memlekettik organdary men notarıýstarynan shyǵatyn resmı qujattarǵa apostıl qoıý» memlekettik qyzmetin alýǵa 32 036 ótinish berilgenin atap ótti.
“Onyń ishinde 546 ótinish E-Apostıl júıesi arqyly, al 31 490 ótinish halyqqa qyzmet kórsetý ortalyqtary arqyly kelip tústi. Barlyǵy 31 165 qujatqa apostıl qoıyldy: 30 815 qaǵaz túrinde jáne 350 elektrondyq nysanda. Almaty osy salada kórsetilgen memlekettik qyzmetter sany boıynsha birinshi orynda”, - dep atap ótti spıker.
Sondaı-aq tirkeý qyzmeti jelisi boıynsha jyljymaıtyn múlikke 161 858 quqyq tirkeldi, bul ótken jyldyń sáıkes kezeńimen salystyrǵanda 40% - ǵa artyq. Búgingi tańda aýdandyq AHAJ-da 43 928 azamattyq hal aktileri tirkelgen, bul 2023 jyldyń sáıkes kezeńimen salystyrǵanda 1% - ǵa artyq, bul oń úrdis bolyp tabylady.
Kórsetilgen memlekettik qyzmetterdiń qorytyndysy boıynsha aǵymdaǵy jyldyń toǵyz aıynda 57 530 590 teńgeden astam memlekettik baj óndirildi. Azamattyq hal aktilerin tirkeý 1% - ǵa ósti, tirkelgen ólim sany 6,4% - ǵa ósti, týý koefısıenti 1,7% - ǵa tómendedi, neke sany 3,6% - ǵa ósti, al ajyrasý 3,6% - ǵa azaıdy.
Balaım Kesebaeva osy jetistikterdiń mańyzdylyǵyn atap ótip, Almaty azamattarynyń múddesi úshin tirkeý qyzmetiniń jumysy odan ári jaqsara túsetinine úmit bildirdi.