Almaty Qalalyq josparlaý jáne ýrbanıstıka basqarmasy Samǵaý shaǵyn aýdanyndaǵy Kókoraı kóshesi, 28/2 úı mekenjaıyndaǵy zańsyz dep tanylǵan qoıma aýmaqtarynyń súrý jumystary týraly málim etti, dep habarlaıdy aqshamnews.kz.
Buǵan deıin basqarma tarapynan «Rıftam» JSHS-ne jospardan tys tekseris júrgizilip, nysannyń basym bóligine ruqsat qujattarynyń joq ekeni anyqtalǵan.
Basqarma Almaty qalasynyń mamandandyrylǵan aýdanaralyq ekonomıkalyq sotyna 2174 sharshy metr zańsyz salynǵan nysandy súrýge talap aryz bergen. 2023 jyldyń 8 jeltoqsanynda sot talapty qanaǵattandyrdy, al bıyl 4 naýryzda Almaty qalalyq sotynyń qaýlysymen sheshim ózgerissiz qaldyryldy.
Ádilet departamentiniń sot oryndaýshylarynyń qatysýymen búgin súrý jumystary bastaldy.
Eske salsaq, Almaty ákimi Erbolat Dosaevtyń qurylysqa baqylaýdy kúsheıtý týraly tapsyrmasy aıasynda ótken jyldyń basynan beri 48 zańsyz nysan, onyń ishinde «Mechta», KHAN, «Alma Garden» turǵyn úı keshenderi jáne basqa da nysandar tolyq nemese jartylaı buzyldy.