Almatyda respýblıkalyq “Jasóspirim” jedel aldyn alý is-sharasy bastaldy.
Osy jyldyń 10 sáýiri men 6 mamyry aralyǵynda Almaty qalasynda “Jasóspirim” respýblıkalyq jedel aldyn alý is-sharasy ótýde, dep habarlaıdy aqshamnews.kz.
Polisia.kz málimetinshe, jedel aldyn alý is-sharasy ótkizilgen alǵashqy kúnniń ózinde 183 ákimshilik quqyq buzýshylyq anyqtaldy. Túngi ýaqytta 179 jasóspirim zańdy ókilderiniń erip júrýinsiz júrgeni úshin qala kóshelerinde ustaldy. Balalardyń túngi ýaqytta úılerinen tys bolýyna jol bergeni úshin 175 ata-ana ákimshilik jaýapkershilikke tartyldy.
Sondaı-aq 22 ata-ana bala tárbıesinde óz mindetterin oryndamaǵany úshin jaýapqa tartyldy. Kámeletke tolmaǵan 4 bala qıyn ómirlik jaǵdaıdaǵy balalardy qoldaý ortalyǵyna ornalastyryldy. Bala tárbıesimen aınalyspaıtyn 6 ata-ana jáne 4 jasóspirim ishki ister organdarynyń esebine qoıyldy. 40 oıyn-saýyq mekemesi tekserilip, onyń 8-inde kámeletke tolmaǵandardyń túngi ýaqytta bolǵany tirkelip, ıeleri jaýapqa tartyldy.
— Balalardyń is-áreketine jaýapkershilik birinshi kezekte ata-anaǵa júkteledi. Polısıa kámeletke tolmaǵandar arasyndaǵy qylmystyń aldyn alý úshin qoldan kelgenniń bárin jasaıdy, biraq negizgi tárbıe otbasynda. Jasóspirim túnde kóshede júrse - bul dabyl qaǵatyn jaǵdaı. Biz ata-analardy balalaryna muqıat bolýǵa jáne olardyń qaıda jáne kimmen ýaqyt ótkizetinin bilýge shaqyramyz. Árbir eresek adam tárbıe berý tek mektep nemese polısıanyń jumysy emes ekenin túsingende ǵana bizdiń kúsh-jigerimiz nátıjeli bolady. Bul búkil otbasynyń jáne jalpy qoǵamnyń jaýapkershiligi, - dedi Almaty qalasy PD jergilikti polısıa qyzmeti basqarmasy ıývenaldy polısıa bóliminiń bastyǵy Janna Shonjanova.
Almaty polısıasy quqyq buzýshylyqtyń aldyn alý men kámeletke tolmaǵandardyń quqyqtaryn qorǵaýǵa basa nazar aýdara otyryp, “Jasóspirim” jedel aldyn alý is-sharasy aıasynda jumysyn jalǵastyrady.