Astana men Almaty áýejaılary kezekti ret mártebeli marapatqa ıe boldy.
Almaty halyqaralyq áýejaıy Ortalyq Azıa men TMD elderindegi eń úzdik aımaqtyq áýejaı atandy. Onyń 2 termınaly álemdegi eń úzdik jańa termınal dep tanyldy, dep habarlaıdy aqshamnews.kz Kólik mınıstrligine silteme jasap.
Nursultan Nazarbaev halyqaralyq áýejaıy «Ortalyq Azıa men TMD elderindegi eń úzdik áýejaı personaly» sanatynda Skytrax World Airport Awards 2025 syılyǵymen marapattaldy.
Aıta ketý kerek, Nursultan Nazarbaev halyqaralyq áýejaıy Ortalyq Azıanyń jetekshi áýe haby ataǵyn jeńip, birneshe ret óńirlik reıtıńterde kóshbasshy boldy.
Skytrax World Airport Awards — avıasıa salasyndaǵy halyqaralyq sapanyń etalony sanalady. Ol álemniń túkpir-túkpirinen kelgen jolaýshylardyń táýelsiz saýalnamalaryna negizdelgen.
Jeńimpazdardy jolaýshylarǵa qolaıly, qyzmet kórsetý sapasy, ınfraqurylym deńgeıi jáne ınovasıalardy engizý sıaqty negizgi kórsetkishter boıynsha tańdaıdy