Qalada 400-den astam jaldamaly páter bólindi.
Bıyl Almatyda áleýmettik osal toptar úshin 400-den astam jaldamaly páter bólindi, dep habarlaıdy Almaty-akshamy.kz QazAqparatqa silteme jasap.
Almaty ákimdiginiń málimetinshe, bıyl úı kezeginde turǵan halyqtyń áleýmettik osal toptary sanatyndaǵy 216 adam satyp alý quqyǵynsyz jalǵa beriletin páter alady. Sonymen qatar 185 kóp balaly otbasy baspanaly bolady. Barlyǵy 401 páter beriledi.
Kóp qabatty turǵyn úı «Nurly jer» memlekettik baǵdarlamasy boıynsha «Jas qanat-2» shaǵynaýdanynda salyndy. Turǵyn úı kesheninde barlyǵy 3116 páter bar. Qalǵan 2715 páter kezekte turǵandarǵa jeńildetilgen nesıemen beriledi.
Sondaı-aq byltyr qarasha aıynda jasy 29-ǵa deıingi jumys isteıtin jastarǵa jaldamaly páter berýge qujattar qabyldanǵan bolatyn. Páterler sany – 1050.
Al aǵymdaǵy jylǵy 18 mamyrdan «Almaty jastary» turǵyn úı baǵdarlamasyna qatysý úshin ótinim qabyldaý bastaldy.