Bıylǵy jyldyń alǵashqy toqsanynda 4 myńnan asa adam elde túpkilikti turý úshin tirkelgen.
Bul ótken jyldyń sáıkes kezeńimen salystyrǵanda eki ese joǵary, dep habarlaıdy Almaty-akshamy.kz
Ulttyq statısıka búrosynyń deregine júginsek, ımıgranttardyń basym bóligin kórshiles ózbek eliniń azamattary qurap otyr. Ekinshi orynda Reseıden kelgender tur.
Sonymen qatar Qazaqstanǵa Azıanyń ózge de elderinen kóship kelýshiler sany kóbeıgen. Máselen, jyldyń alǵashqy úsh aıynda Túrkimenstannan kelgen mıgranttar sany ótken jylǵa qaraǵanda 6, monǵolıalyqtar 4, Qytaı men Tájikstannan eki ese joǵary.
Sondaı-aq ımıgranttar respýblıkanyń qaı aımaqtarynda jıi shoǵyrlanatyny belgili boldy. Máselen, ózbek azamattarynyń 50 paıyzdan astamy Mańǵystaý oblysynda, qalǵany elimizdiń ońtústik óńirlerinde tirkelgen. Reseıden kelgender kóbine elimizdiń basty eki megapolısi - Almaty men Nur-Sultandy tańdaıdy eken.
Bir aıta keterligi, jyldyń alǵashqy toqsanynda tirkelgen shetel azamattarynyń jartysynan astamy ultyn qazaq dep kórsetse, 15 paıyz ımıgrant orys, al 7% qaraqalpaq ultynyń ókilderi ekenin aıtqan. Sondaı-aq Qazaqstanǵa qytaı, parsy, chývash jáne basqa da usaq etnos ókilderi qonys aýdarǵan.