Aqparattyq habarlama!
Almatyda 17 qazanda Mass Alert jedel qulaqtandyrý júıesi synaqtan ótkiziledi. Endi bul qulaqtandyrý iOS operasıalyq júıesin paıdalanýshylarǵa da qoljetimdi bolady, dep habarlaıdy aqshamnews.kz.
Mobıldi qurylǵy paıdalanýshylaryna «Ulttyq qulaqtandyrý» belgisimen synaq týraly habarlama jiberiledi, al keıbir Android operasıalyq júıesi bar qurylǵylarǵa «Prezıdenttik qulaqtandyrý» belgisimen eskertý túsedi.
Habarlamalar «Ulttyq qulaqtandyrý» nemese «Prezıdenttik qulaqtandyrý» degen taqyryppen keledi, sebebi halyqaralyq sıpattamaǵa sáıkes, telefon óndirýshileriniń barlyǵy testtik nemese jedel qulaqtandyrýdy memlekettik organdar iske qosqanda, operasıalyq júıelerinde osyndaı ataýlar qoldanady.
Almatylyqtar men qala qonaqtaryna alańdaýdyń qajeti joq, sebebi bul jaı ǵana synaqtan ótkizý.
Aıta ketý kerek, iPhone qurylǵylarynyń ıeleri iOS 18 baǵdarlamalyq jasaqtamasy bolsa ǵana eskertý alady.
Osyǵan baılanysty almatylyqtar men qala qonaqtaryna qurylǵylaryn iOS 18 júıesine jańartý qajet. Eger qurylǵy avtomatty túrde jańartylmasa, ony «Baptaýlar – Negizgi – Baǵdarlamalyq jasaqtamany jańartý» dep ózi jańartý kerek.
Esterińizge sala keteıik, bıyl 31 mamyrda birinshi kezeńde Android operasıalyq júıesi bar qurylǵylarǵa synaqtan ótkizý júıesi júrgizildi. Ekinshi kezeńde iOS qurylǵylarynyń paıdalanýshylary elektrondyq qulaqtandyrý júıesine qosylady.