Energetıka mınıstrligi shıkizatpen qamtamasyz etýden bastap túpkilikti ónim shyǵarýǵa deıingi is-sharalardy qamtıtyn «Munaı-gaz hımıasy ónerkásibin damytýdyń 2024-2030 jyldarǵa arnalǵan Jol kartasyn» ázirledi.
Qujattyń maqsaty – munaı-gaz hımıasy salasyn damytý jáne osy saladaǵy jobalardy iske asyrýǵa járdemdesý, dep habarlaıdy aqshamnews.kz sala mınıstrligine silteme jasap.
Jol kartasynyń erejelerin oryndaý sheńberinde mynadaı nátıjeler kózdelgen:
- Munaı-gaz-hımıa ónimderin óndirý kólemin 2023 jylǵy 357,8 myń tonnadan 2030 jylǵa qaraı 1,8 mln tonnaǵa deıin ulǵaıtý;
- Munaı-gaz hımıasynda iske asyrylatyn jáne jańa jobalardy qajetti shıkizatpen qamtamasyz etý;
- 14,7 mlrd AQSH dollary somasyna ınvestısıalar tarta otyryp, shamamen 3,5 myń turaqty jáne 16 myń ýaqytsha jumys ornyn qura otyryp, alty jobany iske asyrý;
- Munaı-gaz hımıasy jobalary úshin "UIMHT" AEA aýmaǵynda qajetti ınfraqurylym salý;
- Munaı-gaz-hımıa salasynyń ónimderin ótkizý naryqtaryn qamtamasyz etip, ishki tutynýdy yntalandyrý;
- Ǵylymı bazany, adamı kapıtaldy jetildirý, sondaı-aq tıisti normatıvtik-quqyqtyq jáne tehnıkalyq qujattardy qabyldaý esebinen salany damytý úshin jaǵdaılar jasaý.
Jol kartasyn QR Úkimeti bekitti.