Onyń vıdeosy áleýmettik jelide tarady.
Almaty qalalyq tótenshe jaǵdaılar departamentiniń málimetinshe, saǵat 17:10-da TJD kúsh-quraldary Alataý aýdany «Aqkent» yqshamaýdanynda ornalasqan 54-shi úıge shuǵyl attanǵan.
«Órt sóndirýshiler oqıǵa ornyna 6 mınýtta jetti. Olar 16 qabatty turǵyn úıdiń 5-qabatyndaǵy páter ashyq jalynmen janyp jatqanyn anyqtady. Qazir adamdar evakýasıalanyp jatyr»,- dep habarlady vedomstvodan.
Tótenshe jaǵdaılar departamentiniń kúshterimen 250-den astam adam baspaldaq arqyly qaýipsiz jerge kóshirildi, 40 adam 3 tizelik jáne úsh baspaldaq arqyly qutqaryldy.
Jedel shtab qurylyp, órt oqpandary berildi.
«5-6-qabat deńgeıinde lıft shahtasynda elektr kabelderi tutandy. Órt sóndirý satylary qoıyldy. Oqıǵa ornyna 50 adam men 14 tehnıka jumyldyryldy», - dep habarlady Almaty qalalyq TJD.
Áleýmettik jelide órtten bas saýǵalaǵan adamdar joǵary qabattan sekirip jatyr degen aqparat taraýda. Alaıda, bul aqparattyń shyndyqqa jaraspaıtynyn aıtqymyz keledi. Qutqarýshylar der kezinde jetip, adamdardy órtten arashalaý jumystaryna kirisip ketti.
