Jańarǵan kitaphanaǵa kelýshiler sany 60%-dan asqan.
Almaty kitaphanalary jańa jumys formatyna kóshti. Bul týraly Óńirlik komýnıkasıalar qyzmetiniń baspasóz konferensıasy kezinde qalalyq mádenıet basqarmasynyń basshysy Ǵanı Maılybaev málimdedi, dep habarlaıdy Almaty-akshamy.kz.
Megapolıstiń ortalyqtandyrylǵan kitaphanalar júıesiniń obektilerin modernızasıalaý Almaty ákimi Baqytjan Saǵyntaevtyń tapsyrmasyna sáıkes júrgizilýde.
Ǵanı Maılybaevtyń málimetinshe, qalanyń 16 kitaphanasy modernızasıalandy. Formattyń jańarýynan keıin kelýshiler sany 60%-dan asqan. Kitaphanaǵa jóndeý jumystary júrgizilgenge deıin 758 000 adam kelse, búginde kelýshilerdiń sany 1 260 000 adamdy quraıdy.
Jańa kitaphanalar syrtqy kelbetin ózgertip qana qoımaı, jumys rejımin de ózgertti. Endi olar apta boıyna kún saıyn 9.00-den 20.00-ge deıin jumys isteıtin bolady. Modernızasıadan keıin ár kitaphanada oryndar sany artty, jeke jumysqa, qarym-qatynasqa, is-sharalarǵa jáne ınternet-bólmelerge arnalǵan túrli buryshtar quryldy.
Ǵanı Maılybaev kitaphanalarǵa jańa tynys berilgenin, munda tegin shyǵarmashylyq úıirmeler ótkiziletinin, ádebı sýret zaldary men sheberlik synyptary uıymdastyrylǵanyn aıtady. Modernızasıadan keıin 90-nan astam úıirme quryldy, oǵan 9 400-den astam adam qatysady.
«Bıyl Bostandyq jáne Medeý aýdandarynyń taǵy 2 qalalyq kitaphanalary modernızasıalanady», - dedi Ǵanı Maılybaev.